If you check how the world de you go know say only you no fit live inside am so everybody de important. As you de happy no be so others the happy too. You don ever ask yourself why fight de? Why people the fight? This na question were get big answer but make I answer am for my own way, na becos the way were you the think no be so the other person the think too, waiting de correct for ur own eye fit de wrong for the other person own, na why if agreement no de, disagreement go must de, so from there fight fit start.
Inside Ufia we Don see say we no really de together, everyday people the die, if one person die today the next person go say na the other person kill am so for that reason the next person too go won the other person were him or her the suspect to die, na so the killing go the continue. We still believe too say if person die then na person kill am e no fit be ordinary, but we forget say sickness de.
Before I go continue, I for like make u see waiting the happen between Ogi and Rijo, this two community na brothers and sister’s but them no de united. If two community were their relationship no far de like this then which hope we get? Abeg make una follow me reason am.
If your papa or mama Don tell you say u and the other family no the relate because of waiting their person where don die do your grand papa where Don die too and u still the believe am for this modern world then my brother you be old school person. Waiting Don pass don pass y u still de think am, forget the past make we move forward.
Ufia abeg make we wake up! If you fit send your children go school for place like Otukpo, then why people for Otukpo no go fit come school for Ufia. Time done reach were we go know say “Utonkon na our Lagos” and if e de great today need no go de were we go the risk our life’s the travel go places all in the name of money. If person do you something no just put am for mind, go met the person tell am say waiting him do you, you no like am and if person do you too waka go meet the person make you tell am the same thing so that peace go fit return for Ufia Land. Nothing de this world all off us go die some day. Make we forget the past throw am inside water just as 2face talk am. Enough is enough!.
The WAKA to change Ufia Don start and na you e de start with, no be only person were get money fit change Ufia even if na you poor pass you fit still change am with your good mind and we go fit save the next people where the come after we die.
Join us now UFIA COME ALIVE movement.

<script type="text/javascript"> var pub_id ="PUB0865181"; var time = "30"; var amw_ad_width ="250"; var amw_ad_height = "250"; var ad_style = "11"; var div_id = "ad_content_250_250"; get_ad(pub_id,amw_ad_width,amw_ad_height,div_id,time,ad_style);</script><div id="ad_content_250_250"></div>

Support the movement by posting the picture on your Facebook timeline, whatsapp group etc just as I have done

#UfiaComeAlive

Follow Us on Twitter

Follow Us on Twitter